Кольцо - Лейлектин көпчүлүк айылдары сыяктуу эле сууга жана айдоо жерлерге жетпеген конуш. Бул жерге Орус империясынын тушунда темир жол түшүп, чакан станция курулса, совет доорунда айыл болуп түптөлүп, орусча “Кольцо” деп аталган. Ошондон бери айылдын аталышы өзгөрүүсүз калыптыр. Эгемендик жылдарында темир жолдогу кыймыл токтогон. Күүлдөп турган турмуш дагы токтоп калгандай болду дейт айылдагылар. “Данисте” бул жолу кыргыз-тажик чек ара тилкесиндеги Кольцо аталган айылдын турмушу тууралуу айтып берет.