Орусия Херсондон чыгарып кеткен маданий мурас
Киев 2022-жылы сегиз айлык оккупациядан кийин орус аскерлери Херсон шаарынан сүрүп чыгарылганда уурдалган делген жүздөгөн маданий баалуулуктардын тизмесин жарыялады.
1
"Жол бербейбиз". 1961-жылы Георгий Малаков тарткан графика. Экинчи дүйнөлүк согуштагы Киев үчүн салгылашууну чагылдырат. Гравюра Украинанын Аскердик чалгын кызматы 11-ноябрда жарыялаган тизмеге кирген жүздөгөн баалуу эмгектердин бири. Бул күнү Украина 2022-жылы Херсон облусун орусиялык күчтөрдөн бошотуп алганынын үч жылдыгын белгиледи.
2
Владислав Измайловичтин "Аракечтер" аттуу эмгеги. Сүрөттөр негизинен Херсондун аймактык көркөм өнөр музейинде сакталып турган. Ал жерден орусиялык оккупациялык күчтөр тарабынан чыгарылып кеткен.
3
2022-жылдын декабрь айы. Херсон аймактык музейинин ошол кездеги башчысы Ольга Гончарова украин күчтөрү сегиз айга созулган Орусиянын оккупациясынан кийин шаарды бошоткондо бош калган музейде турат.
Музейдин мурдагы директору орус аскерлери Украинадан чегинип жатканда алар менен кошо качып кеткен, ал массалык талап-тоноочулукка көмөктөшкөн деп айыпталган.
Музейдин мурдагы директору орус аскерлери Украинадан чегинип жатканда алар менен кошо качып кеткен, ал массалык талап-тоноочулукка көмөктөшкөн деп айыпталган.
4
"Жашоо" (Hayet) - Гораций Чернухиндин 1975-жылы тарткан сүрөтү. Украинанын Аскердик чалгын кызматы музейден уурдалган 1233 сүрөттү жана башка көптөгөн көркөм мурастарды тизмектеген.
5
Украинанын Аскердик чалгын кызматы жарыялаган тизмеге картиналар менен катар бир нече скульптура, анын ичинде Михаил Врубел 1900-жылдары жасаган бул айкел да кирген.
6
Днепр ГЭСинин курулушу Александр Пащенконун 1951-жылдагы гравюрасында сүрөттөлгөн.
7
"Казактардын ыры". Иван Шульганын 1945-жылы тарткан картинасы.
8
Валерий Сегеддин эмгеги. Грузиянын тоолуу Ушгули аймагынын XX кылымдагы көрүнүшү.
9
"Ит жана коён". Николай Сверчковдун эмгеги, 19-кылым
10
Л.И. Корсакованын портретин Феликс Киддер 1981-жылы тарткан.
11
Болгариянын деңиз жээгиндеги Варна шаарындагы театр. 1957-жылы тартылган сүрөт.
12
11-ноябрда Украинанын батышындагы Львов шаарында Херсондун музейлеринен уурдалган маданий баалуулуктар, тарыхый эстеликтерди камтыган "Херсон: уурдай албайт" аттуу көргөзмө ачылган.
Львовдун губернатору Максим Козицкий (сүрөттө): "Душман сүрөттөрдү чыгарып кетип, имараттарды, эстеликтерди талкалай алат, бирок ал өз өлкөсүн жана шаарын сүйгөн, эстеген, сактаган жаратман адамдардын алдында эч нерсе кыла албайт, алсыз", - деп айтты көргөзмө учурунда.
Львовдун губернатору Максим Козицкий (сүрөттө): "Душман сүрөттөрдү чыгарып кетип, имараттарды, эстеликтерди талкалай алат, бирок ал өз өлкөсүн жана шаарын сүйгөн, эстеген, сактаган жаратман адамдардын алдында эч нерсе кыла албайт, алсыз", - деп айтты көргөзмө учурунда.
