Газага гумжардам жүктөп бараткан кемелер токтотулду

Израилдин аскер-деңиз флотунун кемелери Газага жардам жеткиребиз деген ураан менен жолго чыккан активисттердин бир нече кемесин токтоткону маалым болду. Кармалгандардын арасында швед экоактивисти Грета Тунберг да бар. Израил тарап алардын согуш жүрүп жаткан тилкеге жакындап калганын эскертип, багытын өзгөртүүнү сунуш кылганын билдирүүдө. Окуядан көп өтпөй бир нече өлкөнүн лидерлери муну кескин айыптады, айрым өлкөлөрдө Израилге каршы нааразычылык акциялары өттү. Чогулган эл Израил армиясы Газага гуманитардык жардам жеткирүү аракеттерине тоскоолдук кылып жатканын айтып, нааразычылыгын билдиришти.