УКМК суу ресурстары, айыл чарба жана кайра иштетүү өнөр жайы министринин орун басары Самат Насирдинов, Ветеринардык кызматтын директору Улугбек Кожобергенов баштаган бир нече жаран мал-жандыкты экспортко чыгаруудагы коррупциялык схемага шек саналып кармалганын билдирди. Атайын кызматтын маалыматына ылайык, июль айында азык-түлүк коопсуздугун камсыздоо жана эттин баасын турукташтыруу максатында малды экспорттоого квота киргизилген. Азырынча кармалгандардын жакындары, адвокаттары иштин чоо-жайы тууралуу комментарий бере элек.