Биринчи май райондук сотунда "Клооп" медиасынын жапырт башаламандыкка чакырыкка шектелип жаткан мурдагы эки операторунун жана эки эсепчисинин үстүнөн козголгон кылмыш иши боюнча алгачкы сот отуруму өттү. Украинанын президенти Владимир Зеленский орус тарапта чет өлкөлүк жалданма согушкерлер кармашып жатканын айтты. Орусия украин президентинин мындай билдирүүсүнө жооп кайтара элек. Ошто Ак-Буура дарыясынын жээгиндеги корук аймагына жана канал боюна мыйзамсыз салынган курулуштар бузулууда. Мэрия курулуштар арасында саясатчыларга, мурдагы жетекчилерге таандык жайлар бар экенин билдирүдө.