Пхеньян Украинага каршы согушка аскер жөнөткөнүн ырастады

Расмий Пхеньян алгачкы жолу түндүк кореялык аскерлер Украинага каршы согушка аралашканын ырастады. Орус президенти Владимир Путин аларга Курск облусун бошотуудагы салымы үчүн ыраазычылык билдирди. Украин президенти Владимир Зеленский Орусиянын Курск жана Белгород облустарынын айрым райондорунда украин жоокерлери кармашты улантып жатканын айткан.