Стамбулдун мэри Имамоглу кармалды

Түрк бийлиги оппозициялык саясатчы, Стамбулдун мэри Экрем Имамоглуну кармап кетти. Маалымат каражаттары жазгандай ага "коррупция жана террордук топко көмөктөшкөн" деген айып тагылууда. Оппозициялык Республикалык элдик партия муну “болочок президентке каршы кутум” деп атады. Мэр эмки президенттик шайлоодо мамлекет башчы Режеп Таип Эрдоганга атаандаш болуп чыгат деп күтүлгөн. Полициянын баш кеңсеси алдына саясатчыны колдогондор чогулду. Бийлик Имамоглунун ишинин артында "саясат турат" деген кинени четке какты.