Газа: Израил армиясы ондогон дарыгерди кармады

Газанын түндүгүнө жасалган израил армиясынын аба соккуcунан 90дой киши набыт болду. Арасында ондогон аялдар жана балдар бар экенин анклавдын Саламаттык сактоо башкармалыгы билдирди. Соңку жумаларда Израил армиясы АКШ менен Евробиримдикте террордук деп таанылган ХАМАС уюмунун жоочуларын жок кылуу максатында аскердик операциясын күчөткөнү кабарланууда. Ал арада Израилдин БУУнун Жакынкы Чыгыштагы палестиндерге жардам берген UNRWA агенттигинин ишмердигине тыюу салышын эл аралык коомчулук сындады.