Кыргызстандын Министрлер кабинетинин төрагасы Акылбек Жапаров Ирандын биринчи вице-президенти Мохаммад Реза Ареф менен жолугушту.
Өкмөт башчынын сайтындагы маалыматында, жолугушуу 1-октябрда Ереванда өтүп жаткан Евразия өкмөттөр аралык кеңешинин жыйынынын алкагында болду.
"Тараптар эки тараптуу мамилелерди мындан ары өнүктүрүү жана бекемдөө маселелерин, анын ичинде соода-экономикалык чөйрөдө, транспорт жана логистика тармагында өз ара аракеттенүүнүн жана кызматташуунун келечегин талкуулашты", - деп жазылган анда.
Министрлер кабинетинин төрагасы Акылбек Жапаров Арменияга иш сапарынын алкагында Евразия өкмөттөр аралык кеңешинин жыйынына катышты. Орусия өкмөтүнүн төрагасы Михаил Мишустин менен жолугушту.(ZKo)
