Борбор Азия өлкөлөрү оор энергетикалык кризистин капшабына кабылды. Кыштын кыраан чилдесинде Казакстандын Экибастуз шаары жылуулуксуз, Тажикстанда электр жарыгы чектелип, Өзбекстандын Фергана аймагы көгүлтүр отсуз калды. Жогорку Кеңештин эки депутатын Башкы прокуратура суракка алганын президент түзгөн жумушчу топ иликтемей болду. Эл өкүлдөрү муну басым деп баалап, депутаттардын Конституция, мыйзам менен корголгон укуктары бузулуп жатканын айтышкан эле. Өзбекстандын президенти Мирзиёев Кыргызстанга эми жыл аягында келмей болду. 10-декабрга болжонгон мамлекеттик сапардын алкагында өз ара алаканы өнүктүрүү, расмий документтерге кол коюу жана кыргыз-өзбек бизнес-форумун өткөрүү мерчемделип жаткан.