Киев Орусиянын аба соккуларынан Украинанын энергетика тармагынын үчтөн бир бөлүгү кыйраганын билдирди. Орусиянын өзүндө аскердик мобилизация уланууда.
Кыргызстанда массалык баш аламандык уюштурууга шек саналып кармалган 20дан ашык саясатчы, активисттер эки айга камалды. Алардын бирөө ден соолугуна байланыштуу үй камагына чыкты. Сот отурумдары түнү менен болду. Кыргызстанда 40тан ашык маалымат каражаттары, журналисттер жана медиа өкүлдөр “Жалпыга маалымдоо каражаттары жөнүндө” жаңы мыйзам долбооруна байланышуу акыйкатчыга кайрылуу жасашты.