Орусияда 2021-жылдын 29-декабрынан баштап өлкөгө иштегени кирген чет өлкөлүк жарандарга тиешелүү федералдык эки мыйзам күчүнө кирди. Ага ылайык, чет өлкөлүк эмгек мигранттары манжа изин (дактилоскопиялык каттоо) каттатууга, сүрөткө түшүүгө, психотроптук каражатка, маңзатка көз каранды эместигин, жугуштуу оорусу жоктугун медициналык жактан күбөлөндүрүүгө милдеттүү. Бул мыйзамдар эмгек мигранттарынын укуктарын чектебейби? Ал Евразия экономикалык биримдигине мүчө мамлекеттер кабыл алган шарттарга канчалык шайкеш келет? “Арай көз чарай” талкуусунда ушул жана башка суроолорго жооп изделди.