Беттештин 1-таймы аяктады.
Дарбазачылардан сырткары бүгүнкү оюнга Кыргызстандын футбол боюнча улуттук курама командасынын капитаны, коргоочу Валерий Кичин дагы чыккан жок. Ал 2019-жылы Бишкекте Тажикстан курама командасы менен болгон оюнда алган эки сары кагаздын айынан бир оюнга дисквалификация болгон.
Жапон өкмөтүнүн ковидге каршы саясатына ылайык, жалпы машыктыруучулар штабы, администрация, оюнчу Бекжан Сагынбаев, дарбазачылар Эржан Токотаев, Кутман Кадырбеков жана Валерий Кашуба коронавирус илдетине чалдыкты деп шектелгендердин тизмесине киргендиктен, кыргыз футболчулары дарбазачысыз оюн талаасына чыгууга мажбур болгон.
Бул тууралуу маалымат командага оюн башталаарга эки саат калганда гана белгилүү болгонун Кыргызстандын футбол бирлиги уюму маалымдады. Учурда дарбазаны коргоочу Айзар Акматовго кайтарууда.
Беттештин 33-мүнөтүндө монгол футболчуларынын пайдасына эсеп ачылды. Учурда 0:1 эсебинде Монголия курама командасы алдыда келе жатат.