Нидерланддардын Роттердам шаарында 18-майда "Еврокароо-2021" (Eurovision) ыр сынагынын биринчи жарым финалы болду. Ага катышкан 16 мамлекеттин ырчыларынын 10у финалга жолдомо алышты.
Экинчи жарым финал 20-майда болот. Ал эми финалга чыккан 26 өлкөнүн ырчылары 22-майда мөөрөй талашат.
Европалык популярдуу обондуу ырлар сынагы 2020-жылы коронавирус пандемиясынан улам өтпөй калган.
"Eurovision" сынагы - 1956-жылдан бери уюштурулуп келаткан шоу. 2019-жылы Израилде болуп, Нидерланддардан катышкан Дункан Лоуренс жеңген. Эрежеге ылайык, сынак жеңүүчү ырчынын өлкөсүндө өтөт.
