Бишкектин Ала-Тоо аянтында парламенттик шайлоонун жыйынтыгын жокко чыгарууну талап кылган митинг өтүп жатат. Алгач «Социал-демократтар», «Мекен Ынтымагы», «Чоң Казат» жана «Реформа» партиялары баштаган акцияга «Ата Мекен», «Бир Бол», «Республика» жана «Замандаш» партияларынын лидерлери жана тарапкерлери барып кошулду. Киинчерээк аянтка "Мекенчил" партиясынын лидери Камчыбек Ташиев да барды.
Бишкектин айрым жерлеринде "Мегаком" байланышы өчтү. Интернет начарлаганы кабарланууда.
Аянттагы демонстранттарды кууп таратып жаткан маалда экономика министринин мурдагы орун басары Элдар Абакиров жараат алганы тартылган сүрөт "Фейсбукка" чыкты.
