8-апрелден бери кыргызстандык мектеп окуучулары дистанттык негизде билим алып жатышат. Интернет аркылуу билим берүүдө мугалимдер өздөрү да үйрөнө турган нерселер көп болууда. Аралыктан билим берүүнүн түйшүгү, артыкчылыгы, өксүгү, мугалимдин өзүнүн даярдыгы, психологиялык абалы туурасында Баткен шаарында жашаган башталгыч класстардын мугалими Минавар Таштемирова "Азаттык" менен ой бөлүштү.