Кыргызстанда балдар үйлөрүнөн жыл сайын 300дүн тегерегинде бала тарбияланып чыгат. Статистикага ылайык, алардын 5% гана толук кандуу жаран болуп, өз бүлөсүн куруп кетсе, калгандарын түрдүү тагдырлар күтүп турат. Укук коргоочулардын айтымында, мамлекет балдар үйүнөн чыккандарга интернаттан кийин кадимки жашоого калыптана турган бир-эки жылдык атайын борборлорду куруп бериши зарыл. Анда өспүрүмдөрдү ар тараптуу турмушка даярдап чыгарса болот. Биз бул жолу ошол борборлордун милдетин аткарган социалдык үйлөрдө жашаган балдардан кабар алдык.