Актан Арым Кубаттын музейи

Кино режиссер Актан Арым Кубат өзү төрөлгөн Сокулук районундагы Күн-Туу айылында фильм тартуунун машакатын чагылдырган көргөзмө ачты. Анда өзүнүн жана режиссер уулу Мирлан Абдыкалыков тарткан кинотасмаларда реквизит катары колдонулган буюмдарды, жасалгаларды жана алган сыйлыктарды экспонат катары коюлган. Короосунда жайгашкан көргөзмөдөн режиссердун ата конушунун тарыхын, элеттик үй-бүлөнүн жай чарбасын, андан кийин ата-бала режиссерлордун тасмаларынын жаралуу тарыхын баяндаган буюм-тайымдар орун алган. Андан тышкары ата-бала жараткан тасмаларга дүйнөлүк кино фестивалдарда ыйгарылган сыйлыктарын жана тасмалардын тарыхы менен авторлордун чыгармачылык изденүүсүн баяндаган сүрөттөр коюлган.