Президент Сооронбай Жээнбеков Коопсуздук кеңешинин жыйынында тоо-кен тармагындагы маселелерге жетиштүү көңүл бурулбай, ал мамлекеттин көзөмөлүнөн чыгып калганын айтты. Адистер мындай кырдаал жаңылык эместигин билдирип, оор абал кен байлыктарын иштетүү жаатындагы мыйзамдык алешемдиктерге жана бийлик өкүлдөрүнүн кайдыгер мамилесине байланыштуу деп эсептешет. Тоо-кен тармагы боюнча бийликтин азыркы саясаты кандай тобокелчиликтерге алып барышы мүмкүн? Кыргыз экономикасын алдыга сүйрөй турган бул тармакты жөнгө салуу керектигин айткан бийлик эмнеге конкреттүү сунуштарды бере албай жатат? Ушул суроолор “Ыңгайсыз суроолор” телепрограммасында талкууланды. Ага Кыргызстандын тоо-кенчилер бирикмесинин төрага орун басары Дүйшөн Камчыбеков жана Өндүрүш, энергетика жана жер казынасын пайдалануу мамлекеттик комитетинин төрага орун басары Сүйүнтбек Аликеев катышты.