2-сентябрда баштала турган Үчүнчү дүйнөлүк көчмөндөр оюндарына даярдык кызуу жүрүп жатат. Анын ачылыш аземинде ат үстүндөгү каскадерлор улуттук оюндарды көрсөтөт. Арасында эр сайышка чыккан жалгыз каскадер кыз Диана Ашырбаева да бар. Диана каскадерлукка келгенге чейин таэквондо менен машыгып, модел катары өзүн сынап көргөн. Кесиптештери бийкечтин шамдагайлыгын, ат үстүндө өзүн камгактай жеңил сезерин макташат.