Шыкмаматов сотто жарыш сөз сүйлөдү

Бишкектин Биринчи Май райондук сотунда Жогорку Кеңештеги "Ата Мекен" фракциясынын лидери Алмамбет Шыкмаматовдун үстүнөн сот жараяны уланды. Анда айыпталуучулар Алмамбет Шыкмаматов жана Эсеп палатасынын мурдагы аудитору Жусуп Иманалиев жарыш сөз сүйлөдү. Шыкмаматов өзүнө карата козголгон иш саясий мүнөздө экенин белгилеп, аны менен бирге эч күнөөсүз адамдар айыпталып жатканын билдирди. Соттук жараян 19-декабрда уланып, айыпталуучуларга карата сот өкүмү чыгары күтүлүүдө.