Жогорку Кеңеш 2018-жыл үчүн республикалык бюджетти кабыл алды. Ошол эле учурда айрым эл өкүлдөрү келерки жылдын бюджетинде эч кандай сунуш, жаңы демилге жок деп, ал өнүгүүгө карай секирик жасоого мүмкүнчүлүк бербесин билдиришти. Ал эми өкмөт бюджетке кошумча киреше бере турган кадамдар болот деп ишендирүүдө. "Азаттыктын" “Ыңгайсыз суроолор” телепрограммасынын бул жолку чыгарылышында бюджет маселесин талкуулайбыз. Талкууга – Финансы министри Адылбек Касмалиев жана Жогорку Кеңештин депутаты Мирлан Бакиров катышат.