Каргаша тооруган майрам

Кара-Кулжа районундагы кесиптик-техникалык окуу жайдын директору менен орун басарынын чатагы уланууда. Мындан жети ай мурда директордун орун басары Бакыт Супатаев эс-учун жоготуп, оор абалда ооруканага жеткирилген жана директору Турсунбек Аматовдон токмок жегени айтылган. Окуя боюнча кылмыш иши козголгон, бирок тергөөдө иш кыскарып калган. Супатаев төрт айдан кийин комадан чыккан. Анын жактоочусу ошондон бери президентке чейин арызданып келет. Аматов болсо Супатаев мас болуп жыгылып денесине залал келтирген деп, күнөөнү жабырлануучунун өзүнө төңкөп келет.