Анара Карабаева Ноокатта төрөлүп, ошол жерде түтүн булаткан. Жумушсуздук жылуу очогун таштап, Казакстандын Жамбыл облусундагы Тараз шаарында тирилик кылууга мажбур кылган. Жыйырма жылдан бери базарда туруп, ысык-суугуна чыдап, акча тапканы менен өз жерине кайтуу керек деген ой жүрөгүн эзет. Анткени, чет жерде тарбияланган балдарынын башка тилде сүйлөй калышканы жүрөгүн тилип кеткенсийт.