Мамкаттоодо паспорт кезеги узарды

Мамлекеттик каттоо кызматы шайлоочулардын алдын ала такталган текшерме тизмесин БШКга тапшырды. Тактоолор боюнча 61 миңден ашуун шайлоочу тизмеге жаңыдан киргизилди. Шайлоого 15 күн калганда тизменин акыркы расмий варианты бекитилип, жарыяланат. Бул арада калкты тейлөө борборлорунда паспортторун алмаштыруу үчүн кезекке тургандардын саны көбөйүп, жаңы паспорт алуу түйшүгүн жаратты. Ушундан улам Мамлекеттик каттоо кызматы биометрикалык маалыматын тапшырган жарандар жаңы паспорт алууга үлгүрбөй калса эски үлгүдөгү паспорттору менен добуш бере аларын эскертти.