ТИМ Астанага нааразылык нотасын жөнөттү
Кыргызстандын Тышкы иштер министрлиги 20-сентябрда Казакстанга протест нотасын жөнөттү. Анда расмий Бишкек казак лидери Нурсултан Назарбаевдин Кыргызстандагы президенттик шайлоого катышып жаткан талапкерлердин бири менен жолукканына нааразы экени айтылат. Шайлоого катышып жаткан Өмүрбек Бабанов казак мамлекет башчысы Нурсултан Назарбаев менен жолукканы тууралуу маалымат Казакстан президентинин расмий сайтына 19-сентябрда жарыяланган. Ал эми Борбордук шайлоо комиссиясынын төрайымы алар бул маселени талкуулай тургандыктарын билдирди.