Кыргызстандык окумуштуу жана гитарачы Темиралы Кунашев Куранды изилдөөгө отуз жылдык өмүрүн жумшап, анын негизинде “Ыйык Курандын эзотерикалык маселелери” аттуу китеп чыгарды. Автор орус тилинде жазылган беш жүз беттик бул эмгегинде Куранда айтылган маалыматтарды бүгүнкү күндө жалпы адамзатка белгилүү болгон илимий ачылыштарга салыштырып иликтеген. Агартка, Шамбала, Сомати үңкүрлөр, чилтен, тирүү элчилер, адамзаттын келечектеги тагдыры, басып өтчү жолу өңдүү багыттарды талдайт. Китепти Мамлекеттик тил боюнча улуттук комиссиясы каржылаган.