2017-жылдын үч айында Кыргызстанда 1 169 авто кырсык катталган. Анын кесепетинен улам 148 адам каза болуп, 1 886 киши жараат алган. Тартип сакчылары көбүнесе кырсык жогорку ылдамдыкта жүргөндүгү үчүн жана каршы жолго чыгуудан улам болорун айтышууда. “Азаттыктын” "Ыңгайсыз суроолор" иликтөөсүнүн бул жолку чыгарылышында кан жолдун азабын тартып, жол кырсыктан жабыркагандардын тагдырларына кайрылдык. Ошондой эле 21-апрель күнү Бишкекте болгон жол кырсыгынын чоо-жайын иликтедик.