Жогорку Кеңештеги көпчүлүк коалиция тарады. КСДП фракциясы коалициядан чыгуу себебин “Ата Мекен” жана “Өнүгүү-Прогресс” фракциялары менен пикир келишпестик болгонуна байланыштырды. Алар өз кезегинде КСДП чечимин өзүмбилемдик деп атап, Баш мыйзам коалицияны таратууга шылтоо болгонун белгилеп жатышат. Бийликчил партиянын саясий альянсты бузушунун негизги себептери кайсылар? Жаңы коалициянын курамына кимдер кирет жана сыртта калгандар парламенттеги оппозицияны күчтөндүрөбү?Коалициянын кайрадан түзүлүшү Конституцияны өзгөртүү демилгесине кандай таасир тийгизет? "Азаттыктын" “Ыңгайсыз суроолор” телепрограммасынын бул чыгарылышында ушул жана башка суроолорго жооп издедик. Талкууга Жогорку Кеңештин КСДП фракциясынан депутат Рыскелди Момбеков жана Ата Мекен фракциясынан Алмамбет Шыкмаматов катышты.