Кыргызстандагы оппозициялык күчтөр Баш мыйзамды өзгөртүү демилгесине каршы курултай өткөрө турган болууда. Бийликчил партиялар болсо референдум өткөрүү максатынан кайтпасын билдирип жатышат. Азыркы Конституцияны сактап калгысы келген жана өзгөрткүсү келген тараптардын пикир келишпестиги өлкөнүн коопсуздугу менен тынчтыгы үчүн кандай тобокелчиликтерди жаратышы мүмкүн? Кечээ санаалаш, бүгүн каршылаш саясий күчтөрдүн талашы кайда алып барат? Мунаса жолу барбы? "Ыңгайсыз суроолордун" бул жолку чыгарылышында ушул маселе талкууланды. Берүүгө -Жогорку Кеңештеги КСДП жана “Ата Мекен” фракциясынын лидерлери Иса Өмүркулов менен Өмүрбек Текебаев катышты