Ысык-Көл облусунун Тоң районуна караштуу Ак-Сай айылында "жол тандабас" машинелердин эл аралык фестивалы өтүүдө. Анда КМШ өлкөлөрүнөн 50гө чукул жана Кыргызстандан он чакты катышуучу ат салышат. Фестивал аймакка туристтерди тартуу, туризмди өнүктүрүү максатын көздөйт. Фестивалды Off road king деп аталган автоунаа сүйүүчүлөр тобу уюштурган. Иш-чара төрт күнгө созулуп, адыр, тоолордо автоунааларды сыноо менен коштолот.