Казак өкмөтүндө өлкө түштүгүндөгү сугат суу тартыштыгы боюнча жыйында Кыргызстан тууралуу сөз болду. Түштүк Казакстан облусунун акими Бейбут Атамкулов суу тартыштыгын айтып, коңшу Тажикстан менен сүйлөшүү жүргүзүү керектигин билдирди. Биринчи вице-премьер Бакытжан Сагинтаев акимдин сунушун колдоп, бул боюнча алгачкы сүйлөшүүлөр жүргүзүлгөнүн айта баштаганда, өкмөт башчы Карим Масимов аны тыйганга жетишти. Кыргызстанга байланыштуу айтылган бул осол сөздүн видеосу интернетке чыкты.