Жогорку Кеңештин депутаттарынын ММКлар жөнүндөгү мыйзамга киргизүү долбоору коомдо дароо кызуу талкуу жаратып, укук коргоочулар менен журналисттердин катуу каршылыгына туш болду. Медиа тармак өкүлдөрү менен укук коргоочулар депутаттардын аракетин сөз жана басма сөз эркиндигин муунтуу аракети жана ал жобо авторитардык башкаруудагы башка мамлекеттердин мыйзамынан көчүрүлгөн деп баалашты. 1992-жылдан бери иштеп келе жаткан мыйзамды өзгөртүүнүн башкы максаты эмне жана ага кандай зарылдык түзүлдү? Маалымат каражаттарынын ишмердигин тизгиндөө коомдун ар тараптуу маалымат алуу укугун чектөөгө жол ачпайбы?