Дудуктарды ким угат?

Кыргыз азиздер жана дүлөйлөр коомунун онго жакын мүчөсү жетекчилигине нааразы. Алардын жүйөсүндө аталган коомдун президенти Калык Мамбетакунов майыптар үчүн курулган батирлерди жең ичинен бөлүштүргөн. Алардын маалыматында майыптар үчүн курулган батирлерден дени-карды соолор да алган. Мамбетакунов болсо үйсүз калгандардын дооматы суу кечпейт деген пикирде. Айтымында өлкө боюнча үй алууга кезек күткөн майыптар саны 2500гө жакын жана баарын үй менен камсыздоо мүмкүн эмес.