Орусиянын Кыргызстандагы элчилигинде Египеттеги учактын кыйрашына байланыштуу көңүл айтуу китепчеси ачылды. Кырсыкка кайдыгер эмес экендиктерин айткан бишкектиктер элчиликтин алдына гүлдөрдү, оюнчуктарды калтырышууда. Ал эми элчиликтин имаратынын ичиндеги көңүл айтуу китепчесине орус элинин кайгысын тең бөлүшөбүз деген мааниде кайрылууларды калтырып жатышат.