Мындан 25 жыл мурун “Кыргызстан демократиялык кыймылы” түзүлүп, ал СССР таркап кетердин алдында Кыргызстанда коммунисттик режимге ачык атаандашкан саясий күч болуп чыгып, өлкөдөгү демократиялык жараянды тездетүүдө орчундуу роль ойногон. Ошол кезден тарта демократиялык нукта өнүгүүгө кадам таштаган өлкө бүгүн демократиялык ачык коом түзө алдыбы? Азыр Кыргызстандагы демократиячыл жүрүм жигердүү улантылбай жатат деген сындар канчалык жөндүү? Бүгүнкү муун коммунисттик бийликке ачык атаандашып, реалдуу күчкө айланган ошол кездеги демократтардан кандай үлгү, сабак алышы керек? "Азаттык+" ушул теманы талкуулады.