Жогорку Кеңеш акыйкатчынын ишин канааттандырарлык эмес деп тапты. Акыйкатчы бул чечимге макул болбой Конституциялык палатага кайрылганы жатат. Бир жыл ичинде акыйкатчы кантип иштеди, адам укугун коргоо жаатында кандай жылыштар болду? "Ыңгайсыз суроолор" берүүсүндө ушул суроолор талкууланды. Ага акыйкатчы Бакытбек Аманбаев, мурдагы акыйкатчы Турсунбек Акун жана Жогорку Кеңештин адам укуктары, конституциялык мыйзамдар жана мамлекеттик түзүлүш комитетинин мүчөсү, депутат Абдыманап Кутушев катышты.