Шаарга тазалык тартуулаган достор
Ош шаарында төрт курбу биргелешип ачкан мекеме калаага тазалык тартуулап, 54 адамды жумуш менен камсыз кылды. Достор ачкан мекеме «Таза короо» деп аталат. Алар калаадагы көп кабаттуу үйлөрдүн тепкичтерин жана короолорун тазалап, айланасын жашылдандырып беришет экен. Учурда шаардын көпчүлүк бөлүгүн муниципалдык “Ош тазалык” ишканасы тейлеп келет. Ош шаарында 640 көп кабаттуу үй бар. Ал эми курдаш балдардын “Таза короо” мекемеси калаадагы 160 үйдү тейлей башташты.