Бүткүл дүйнөлүк саламаттык сактоо уюмунун маалыматы боюнча секунда сайын дүйнөдө бир адам кургак учук оорусун жуктуруп алат. Кыргызстан кургак учук боюнча КМШ өлкөлөрүнүн ичинде 2-орунда жана илдеттин оор түрү катталган 27 өлкөнүн катарына кирет. Кыргызстанда бул дарт менен 5 жарым миңге чукул киши каттоодо турат. Алардын ичинен кургак учуктун оор формасы менен 3 миңден ашык киши ооруйт.