Мен согушту каалабайм

Сириядагы жарандык согуштун эпкини Кыргызстанга да жетип, расмий маалыматтар боюнча 200 чамалуу кыргыз жараны ал жакка согушка кеткен, арасында кыз-келиндер да бар. Мунун айынан ондогон ата-эне балдарын тирүүлөй жоготсо, дагы бир канча бала жетим калууда. Ош облусунун тургуну Канат Шарипбеков өз тасмасында коңгуроо кагып, замандаштарын акчага, жалган үгүткө жана үмүткө алданып, Сирияга барбоого чакырган. "Балдарыбыз эч качан ата-энесиз калбасын", - дейт автор. Тасма "Азаттыктын" "Менин баяным" видео сынагына сунушталды.