Көчмөндөрдүн майрамы

Чолпон-Ата шаарындагы ат майданда "Көчмөндөр оюндары" 9-сентябрда кечки саат сегизде ачылды. Ага мамлекет башчы Алмазбек Атамбаев баш болгон бийлик өкүлдөрү жана 17 мамлекеттен келген делегация мүчөлөрү катышты. Ачылуу аземине он миңге жакын киши күбө болду. 9-14-сентябрда өтчү “Көчмөндөр оюнунда” эр эңиш, алыш, күрөш, тыйын эңмей, аламан байге, салбуурун, кыз куумай, тогуз коргоол боюнча мелдештер болот.