"Өңүт": Анклавдар боюнча дүйнөлүк тажрыйба
Кыргыз-тажик чек арасында ушул айдын башында чек арачылардын атышуусу эки өлкө ортосунда чек аранын толук жабылышына алып келди. Эки өлкөнүн өкмөттөрү ошондон берки сүйлөшүүлөрдө дагы эле бир пикирге келише элек. Соңку чыр аймактары кесилишкен жерде чачырап кеткен Фергана өрөөнүндөгү үч өлкөнүн ич ара мамилесиндеги көптөн берки проблеманын акыркы гана мисалы болуп калды. Бирок, кабарчыбыз Төрөкул Дооровдун айтымында, Фергана өрөөнү бул маселеде дүйнөдөгү уникалдуу аймак эмес. “Азаттыктын” “Өңүт” апталык программасында кабарчыбыз дүйнөнүн башка бурчтарында ушул сыяктуу абалды баштан кечирген мамлекеттердин мисалына кайрылып, Борбор Азиядагы коңшулаш мамлекеттер ошол мисалдардын кайсынысына көбүрөөк көңүл бурса болоору тууралуу эксперттердин ойлорун келтирет.