Алар Орусия бийлигинин Украинага карата мамилесин сынга алып, парламентке кайрылуу жасашты. Кайрылууда Орусиянын Украинага аскер киргизүү аракети, анын ички саясатына кийлигишүүсү эл аралык жана эки тараптуу келишимдерди бузары белгиленген. Кайрылуу ээлери Орусиянын бул аракеттерине карата Кыргызстандын бийлиги, Жогорку Кеңеш каршы пикир билдирүүсүн талап кылууда. Алар Орусия тараптан бүгүн Украинанын аймактык бүтүндүгүнө шек келтирилип жаткан соң, мындай коркунуч эртеңки күнү Кыргызстандын башына түшөт деп эсептейт.