Бүгүн УКМКнын Ош облустук башкармалыгы журналисттерге эшигин ачып, анда терроризмге шектелип кармалып жаткандар менен тааныштырды. Мында журналисттер терроризмге айыпталып жаткан жарандардын айрымдары менен көзмө-көз маектешүү мүмкүнчүлүгүн алышты. УКМКнын маалыматына караганда өткөн жылдын башынан бери жети террористтик топ Кыргызстандан кармалган. Алардын көпчүлүгү Сириядагы лагерлерде атайын аскердик даярдыктан өтүп келишкен.