Жети-Өгүздө "Кумтөр" ишканасын электр менен жабдыган подстанция 31-майда өчүрүлгөн. Он чакты митингчи подстанция турган имараттын ичине эч тоскоолдуксуз эле кирип барып өчүргөн. Буга чейин көмөкчү чордон 30-майда да өчүрүлүп, сүйлөшүүлөрдөн кийин кайра берилген. Адистердин билдиришинче, ал "Кумтөр" ишканасынан тышкары төрт чек ара тозотун жана төрт айылды да жарык менен камсыз кылуучу объект болуп эсептелет. "Кумтөргө" электр жарыгы 1-июнда берилгенин “Азаттыкка” Жети-Өгүздүн коменданты Бактыбек Жусубалиев кабарлады. (Мария Колесникова)
