Дааватчылыктын Кыргыз коомуна кандай пайда-батасы бар? Бул үй-жайынан кечип, иштебестен жер кезип жүргөндүкпү же Кудай менен ыйман жолун издегендерби? Дүйнөдө “Таблиг жамаат” деген ат менен белгилүү бул көрүнүшкө жакында эле коңшу Казакстанда сот чечими менен тыюу салынды. Ал эми кыргыз окумуштуулары ушул тапта дааватчылыктын табиятын изилдеп жаткан учуру. Дааватчылар чын эле ислам дөөлөттөрүн элге жайылтабы же башка максаттарды көздөйбү? “Азаттыктын” "Ыңгайсыз суроолор” телепрограммасынын бул жолку чыгарылышы ушул темага арналды. Талкууга Дин иштери боюнча мамлекеттик комиссиянын бөлүм башчысы Маметбек Мырзабаев жана Абдулло бин Масъуд медресесинин мугалими, имам Кабылбек Акматов катышты.