Грузияның экс-президенті, Украинаның Одесса облысының бұрынғы басшысы Михаил Саакашвилиді жақтастары Украина қауіпсіздік қызметінің (СБУ) арнайы тобының шағын автобусынан босатып алды. Мұның алдында күш құрылымы қызметкерлері Саакашвилидің Киевтегі пәтеріне тінту жүргізіп, оларға бағынудан бас тартып үйдің шатырына шығып алған оппозициялық саясаткерді ұстап, тергеу органдарына жеткізу үшін шағын автобусқа күштеп салған болатын.