Қазақстанда 20 шақты белсенді биылғы тәуелсіздік мерекесін әкімшілік қамауда отырып қарсы алады. Билік оларды "митинг заңын бұзғаны" үшін жазалады. Құқық қорғаушылар мұны өзіне сын айтқанды жақтырмайтын үкіметтің наразылық акциясына жол бермеуді көздеп жасаған тірлігі дейді.
Еуропарламент шағын комитеті өткізген тыңдауда еуропалық саясаткерлер мен құқық қорғаушылар Қазақстан үкіметінің адам құқығының жай-күйін жақсарту уәдесі сөз күйінде қалып қойғанын сынады. Ресми Нұр-Сұлтанға айтылған сынға Қазақстан омбудсменінің жауап беруіне тура келді.
Орал соты Орынбай Оқасовты "экстремистік ұйым қызметіне қатысты" деп айыптап, бір жылға бостандығын шектеу туралы үкім шығарды. Белсенді жергілікті әкімдік рұқсат еткен митингіде "Бостандық!", "Талап етеміз!" деп ұрандаған. Прокурор осы сөздерді "экстремистік ұранға" жатқызған.
Қазақстанда митингіге шығып, биліктің ауысуын талап еткендерді "экстремизм" бабымен соттайды. Бірақ заңда ол ұғымға нақты анықтама берілмегендіктен сот үкімінің әділдігіне күмән туады. Сөз еркіндігі мен экстремизмді қалай ажыратуға болады? Азаттық құқық қорғаушы Евгений Жовтистен сұрады.
Қазақстан соты билікті сынайтын белсенділерді "экстремистік ұйым жұмысына араласты және оны ұйымдастырды" деп жазалайды. Бірақ "экстремистік ұйымға" тыйым салған сот шешімін де, оны шығарғанда сүйенетін сараптама қорытындысын да қоғамнан жасырады.
Арон Атабектің әлеуметтік желіде жариялаған тіз киімшең ғана тұрған суреті көрген адамды бей-жай қалдырмады. Көпшілік ақынды "нацистік концлагерь тұтқыны кейпіне жеткізген" билікті сынады. Ал суретті "әдепке жатпайтын, ұят" санайтындар оны жариялағаны үшін диссиденттің туыстарын айыптап жатыр.
Алматыда өтіп жатқан сотта прокурор "тыйым салынған ұйым қызметіне қатысты" деп айыпталған 13 азаматтық белсендінің бәрін жазалауды, соның ішінде төртеуін 5 жылға еркіндігінен айыруды сұрады. Белсенділер билікке бейбіт түрде талап айтқанына бола тағылған айыпты мойындамайтынын мәлімдеді.
Алматыда "тыйым салынған ұйым ісіне қатысты" деген айып тағылған 13 белсендінің соты өтіп жатыр. Сот процесіне бес айыпталушы Алматыдағы тергеу изоляторынан қатысып отыр. Азаттық тілшісі ?? бері абақтыда отырған екі белсенді – Диана Баймағамбетова және Асхат Жексебаевпен сөйлесіп, жағдайын сұрады.
Ресейде биылғы парламент пен жергілікті басқару органы сайлауы кезінде билік тәуелсіз пікірді басып-жаншып, "шетел агенттері" туралы заңды саяси науқанды бақылауда ұстау құралы ретінде пайдаланып жатыр.
Оралда тұратын 48 жастағы белсенді Маруа Ескендірова кейінгі бес айда бесінші рет тұтқындалды. Шамалы үзілісті есептемегенде, ол 40 күн бойы қамауда отырды. Сот оны бесінші рет "бейбіт жиын ұйымдастыру тәртібін бұзғаны үшін" 20 күнге қамады. Азаттық белсендінің әңгімесін жазып алды.
Бір жыл бұрын Алматының тергеу абақтысынан шыққан азаматтық белсенді Әлнұр Ильяшев соттың оған шығарған үкімін "ауыз жабудың заңдастырылған тетігі" деп атаған. Сот үкімі аузына қақпақ, аяғына тұсау болған белсенді қазір мамандығы бойынша жұмыс істеу мүмкіндігінен айырылған.
Қазақстан билігін сынайтын белсенділер қудалауға түсіп, қорқытып-үркітуге тап болады дейді құқық қорғаушылар. Белсенділердің арыз-шағымы бойынша іс қозғалғанымен, жасалған қылмыстың көбі ашылмайды, ал кінәлілер жазадан құтылып кетіп жатады.
Тағы