АҚШ-тың халықаралық дін еркіндігі бойынша комиссиясы әлемдегі дін бостандығы жайлы жыл сайынғы есебін жариялады. Құжатта АҚШ мемлекеттік департаментіне Қазақстанды дін бостандығы саласында құқықтардың бұзылуына жол бергені үшін "арнайы бақылауды қажет ететін елдер" тізіміне қосу тапсырылған.
Қазақстандық құқық қорғаушылар жаңа жылды жаңа президентпен қарсы алған елде "ой-пікірі мен белсенділігі үшін жазаланған азаматтар бұрынғысынша түрмеде әлі отыр" дейді. Билік елде саяси тұтқын барын жоққа шығарады.
Алматыда сырттай сотталған "Новая жизнь" шіркеуінің пасторлары өздеріне қарсы ойдан шығарылған айып бойынша іс қозғалған деп санайды. Олар қылмыстық істің астарында діни-этникалық фактор барын айтады. Билік мұны жоққа шығарады.
Жаңа оқу жылы қарсаңында Ақтөбеде орамал дауы қайта көтерілді. Оқушы қыздары орамал тартатын ондаған ата-ана облыс әкімдігіне барып, Конституциядағы құқықтарының бұзылып жатқанын айтты. Олар қыздарын қыркүйектен бастап мектепке орамалмен кіргізуді талап етті.
«Терроризмді насихаттады» және «араздық қоздырды» деп айыпталған сегіз адам түрме жазасына кесілді. Оларға WhatsApp мессенджеріндегі жазбалары үшін айып тағылған.
WhatsApp-та "діни тақырыптар" қозғап, "терроризмді насихаттады" және "ұлттық, діни алауыздық тудырды" деп айыпталғандарды Алматыда сотқа тартып жатыр.
Шымкенттегі әл-Фараби аудандық соты Cауд Арабиясында ұсталып, Қазақстанға экстрадицияланған 41 жастағы Ділмұрат Махаматовты 8 жылға бас бостандығынан айырды. "Терроризм" бабымен айыпталған Ділмұрат Махаматов сот үкімімен келіспейтінін айтты.
АҚШ-тың діни еркіндік жөніндегі комиссиясы (USCIRF) Халықаралық діни бостандық жайлы 2018 жылға арналған есебін жариялады. Есепте 2018 жылы Қазақстанда діни бостандық жағдайы сәл жақсарғанын, бірақ елде діни наным-сенімді шектеу әлі жалғасып жатқаны айтылған.
Ақмола облысының екі тұрғыны "әлеуметтік желіде діни аудиожазба жариялады және терроризмді насихаттады” деп айыпталды. Айыпталушылар мен жақындары бұл айыппен келіспейді.
Халықаралық "Журналистерді қорғау комитеті" (Committee to Protect Journalists - CPJ) Өзбекстанды әлеуметтік және діни тақырыптарды қозғайтын жазбалары үшін блогерлерді қудалауды тоқтатуға шақырды. Құқық қорғау ұйымы дін тақырыбын қозғағана бола тұтқындалған деп хабарланған кемінде төрт блогерді босатуды талап еткен.
Ақтөбе облысында біркелкі мектеп киім үлгісі туралы ережемен келіспеген бірнеше ата-ананың баласы келесі сыныпқа көшпей қалды. Осындай 25 оқушының ата-анасына айыппұл салынды.
Қазақстан бас прокуроры қылмыстық заңнаманы ізгілендіруге бағытталған жаңа заңда баламалы жаза қолдануға болатын баптар көбейеді дейді. Кей адвокаттар мен құқық қорғаушылар "жемқорларға жазаны жеңілдеткенімен, жаңа заң саяси сипаты бар баптарға келгенде қауқарсыз" деп санайды.
Тағы
