Қазақстан азаматтығын алу үшін құқығын сот арқылы қорғауға тырысқан оралман қазақ Исрафил Багиді қайтадан Иранға шығарып жіберді. Оған Багидің "көлік айдағанда жол қозғалысы ережесін екі мәрте бұзғаны" үшін әкімшілік жазаға тартылуы негіз болған. Бұған дейін Қазақстан билігі оны экстремизмге қатысты күдікпен ықтияр хаттан айырған.
Моңғолиядан Қазақстанға 2011 жылы келген этникалық қазақ Ғазиза Октябрьге Қазақстан азаматтығы берілмейтіні хабарланған. Жергілікті билік өкілдері оның «теріс ағым өкілі» екенін, сондықтан «Моңғолияға депортация жасалатынын» айтады. Ал оралман әйел тарихи отанында қалуға таласып жүр, енді ол азаматтық алу үшін сотқа жүгінді.
«Қауымдастықтың басына зейнеткерлер емес жастар келуі керек» дейді кей пікір иелері. Ал бұл ұйымның басшылығы «көпшілік қауымдастықтың міндетін министрліктердің міндетімен шатастырады» деп кейиді.
Алматы облысының Жамбыл ауданы Ақсеңгір ауылдық округіне қарасты Жайсаң ауылында жер дауынан төбелес шықты. Таласқа түскен жер – ауыл іргесіндегі «жайылым». Жерді жалға алған - кәсіпкер, «малды қайда жаямыз?» деп наразы болғандар – 50-ден астам оралман. Кәсіпкер өкілі жерді «жалға алғандарын» айтады, әкімдік оны растайды. Ал оралмандар әкімдік берген жайылым «ауылдан алыс және ол жерде су жоқ» дейді.
Маңғыстау облыстық көші-қон қызметі «экстремистік я террорлық іс-әрекет» жайлы баптарға сүйеніп, Ираннан көшіп келген Исрафил Багиды елден шығармақ. Билікті сотқа берген оралман негізсіз «күдікті» атанғанын айтады.
Өзбекстаннан көшіп келген қазақ отбасына Қазақстанда тұруға рұқсат беретін құжат арман. Олар тіркеу тәртібін бұзғаны үшін айыппұл төлеп, тұрақты тұруға рұқсатты бір жылға дейін ала алмай қалған.
Қазақстандық «Оралман» фильмі сәуірдің 24-і күні Тегеранда көрсетілді. Фильм ирандық көрермен назарына сәуірдің 21-і мен 28-і аралығында өтіп жатқан халықаралық «Фаджр» кинофестивалі аясында ұсынылған. «Оралманды» көруге Иран қазақтары да барған, солардың бірі Жаппарбай Шадком «шетте жүріп, өз тіліңде қазақ фильмін көру қандай рақат» дейді.
Сәуірдің 20-сы Қазақстан президенті Нұрсұлтан Назарбаев жазушылар Дулат Исабеков, Смағұл Елубай және Бексұлтан Нұржекеевпен кездескен еді. Бұл жөнінде пікір білдірген кей жазушылар «президенттің қай жазушылармен кездесетінін президент әкімшілігі белгілейді» дейді. Ал президентпен кездескен жазушының бірі Дулат Исабеков «өткір пікірлерді телеарналар көрсетпеді» деп қынжылады.
Атырау мұнай және газ университетінде оқитын қытайлық қазақ Шұғыла Бауыржан оқу визасын ұзартуға үлкен қиындықпен, қатты күйзеліспен қол жеткізді. Депортациялануға шақ қалған ол жоғары оқу орнындағы (ЖОО) виза мәселесіне жауапты тұлғалардың «елден кетуді ұсынғанын» айтады. Ал полиция «ЖОО оның студент екені жайлы хатты алдын ала тапсырғанда мұнша машақат тумайтын еді» дейді. ЖОО өкілдері комментарий бермеді.
Оралмандар азаматтық алғанға дейін тұрақты тіркеуге тұру үшін келген елдерінде сотталмағанын айғақтайтын анықтама өткізуі керек. Алайда кейбір өңірлерде онымен іс бітпейді.
Тіркеу төңірегіндегі заң өзгерістері мен көші-қон комитетінің қайта құрылуы оралмандарға қалай әсер етеді? AzattyqLIVE тақырыпты қоғам белсендісі Рақым Айыпұлымен талқылады.
Қазақстанда президент қаулысымен көші-қон қызметі комитеті ішкі істер министрлігі құрамында қайта құрылып, алдағы бес жылға арналған көші-қон саясаты тұжырымдамасы әзірленетін болды. AzattyqLIVE сауалдарына қоғам белсендісі Ауыт Мұқибек жауап берді.
Тағы